На нататку індывідуальным прадпрымальнікам і фізічным асобам

16.12.2024

         

Падатковыя органы інфармуюць аб новаўвядзеннях для індывідуальных прадпрымальнікаў і самазанятых грамадзян з 1 кастрычніка 2024 года.

Рада Міністраў Рэспублікі Беларусь пастановай ад 28.06.2024 № 457 зацвердзіла Пералікі відаў дзейнасці, дазволеныя для ажыццяўлення ў якасці індывідуальнага прадпрымальніка і самастойнай прафесійнай дзейнасці, якія дзейнічаюць з 1 кастрычніка 2024 года.

Віды дзейнасці, якія не ўвайшлі ў Пералік відаў дзейнасці, дазволеных для індывідуальных прадпрымальнікаў, індывідуальныя прадпрымальнікі могуць ажыццяўляць па 31 снежня 2025 гады. Пры гэтым у індывідуальных прадпрымальнікаў ёсць магчымасць стварыць камерцыйную арганізацыю, якая засноўваецца адной асобай, у спрошчаным парадку. Такая арганізацыя зможа працягваць ажыццяўляць від дзейнасці, які не ўваходзіць у гэты пералік.

Фізічныя асобы з 1 кастрычніка 2024 года не маюць права ажыццяўляць віды дзейнасці, не ўключаныя ў Пералік відаў дзейнасці, дазволеных для ажыццяўлення ў якасці самастойнай прафесійнай дзейнасці.

Напрыклад, у дадзены Пералік не ўвайшла дзейнасць, звязаная з віншаваннем з днём нараджэння, Новым годам і іншымі святамі, музычнае – забаўляльнае суправаджэнне вяселляў, юбілеяў і іншых урачыстых мерапрыемстваў, а таксама прадастаўленне паслуг тамадой.

Пры гэтым, індывідуальныя прадпрымальнікі, але толькі зарэгістраваныя да 1 кастрычніка 2024 года, могуць ажыццяўляць названую дзейнасць па 31 снежня 2025 года, бо дзейнасць у сферы выканальніцкіх мастацтваў ( АКЭД 90010) і дзейнасць, якая садзейнічае правядзенню культурна-відовішчных мерапрыемстваў (АКЭД 90020) не ўвайшлі і ў Пералік відаў дзейнасці, дазволеных для індывідуальных прадпрымальнікаў.

Падрабязная інфармацыя аб зменах размешчана на афіцыйным сайце Міністэрства па падатках і зборах Рэспублікі Беларусь ва ўкладцы «Актуальнае»: «Навіны ў падаткаабкладанні прадпрымальніцкай дзейнасці з 1 кастрычніка 2024 года».